датум: 16.02.2023
локација: Public room (50 Дивизија, бр.22, 1000 Скопје)
почеток: 21:00ч
влез: 300ден.
организатор: Sethstat
📢 👋Ви најавуваме нешто сосема ново!
Јавна Проба е искрена и сериозна музичка понуда, која ви носи висококвалитетен авторски бенд секоја седмица, во еден од најромантичните концертни простори во градот.
Поткровјето на Public Room располага со романтична интима, но и потенцијал за совршена концерт на некои од најдобрите бендови со кои располагаме како куратори на вечерта. Замислете си една волшебна ноќ, во која топ бенд свири само за вас и вашите пријатели. Проба? Концерт? Дали е важно? 🙂
Оваа серија на авторски концерти ќе ја отвори најквалитетниот македонски џез состав, легендарните Сетстат.
Луѓе на врвот на својот креативен и свиречки потенцијал, неверојатни во живо. Минатата година имаа 2 изданија (за ПМГЏЕЗ). Живиот албум “White Night“ доживеа неверојатни критики и високо котираше во неколку месечни избори за најдобри албуми на светско ниво. “Соба 107“ е десеттиот студиски албум на Сетстат и по мислењето на кураторот на првата Јавна Проба (Мирко Попов) е најдобриот македонски албум за 2022ра година. Соба 107 е своевиден врв на досегашното творештво на бендот и изобилува како со бравурозни импро вратоломии, така и со генијални музички “хукови“ кои едноставно ќе ве освојат.
Сетстат гарантираат силен старт на нашиот концепт “Јавна Проба“. Обрнете внимание и ајде, ајде, да се дружиме.
🎫влез: 300,-
* вашиот билет можете да го набавите во Public Room
** поради ограничениот капацитет, резервација на билети може да направите на ☎ 078 250 554
Напомена: Текстот и фотографијата се преземени од објавата за настанот на фејсбук.