Времињата се турбулентни за сите (такви се, како за кубур да си обесиш на коланот). Времињата ја „дрмаат“ и музичката фела, па ми текна на Принц (Александар Рисовски), си велам, ќе му испратам порака, да проверам дали е расположен да размениме неколку прашања и мислења за актуелните случувања поврзани со локалниот музички свет, а попатно ќе го прашам и на што го „троши“ времето последниве месеци, како и што планира во блиска иднина, се разбира сето ова во музички контекст.
На мое задоволство, Принц беше расположен и одговори позитивно на мојата иницијатива, па успеав да го реализирам интервјуто за што сведочи и овој текст.