Почитуван љубителу на домашната музичка продукција,

Се задоволство ти ја претставуваме новата профил страна на музичкиот состав „Нокаут“.

По креирањето на новата профил страна на „Страјк“ ја креиравме и првата верзија на новата профил страна за Нокаут.

Идејата за новата профил страна на изведувач е да ја прикажеме содржината што ВБУ Музички регистар ја создава и евидентира за изведувачот.

Ова значи дека со ажурирање на податоците во Регистарот, овие профил страници се ажурираат автоматски, а тие содржат: фото и видео галерии, биографија за изведувачот, календар со следни настапи на изведувачот, изданија, написи, попис на членовите и соработниците на изведувачот.

Плановите за оваа профил веб страна се големи и вклучуваат дополнителни типови на содржини за изведувачот од други ивори, можност за купување производи поврзани со изведувачот, повеќе-јазичност, можност за букирање настап и уште неколку други типови на содржини и услуги.

Ја направивме профил страницата на Страјк како претставник од хип-хоп изведувачите. Ја креиравме и првата верзија на новата профил страница за Нокаут како претставник од групата на поп-рок изведувачи.
Следува конверзија на профил страница за рок бенд.
Кој е рок бендот за кој би сакал да видиш профил страна во стилот на онаа за Страјк и Нокаут?

Во оваа прилика, споделуваме и едно видео(https://bit.ly/2TRgQox) од настапот на Нокаут во клубот „Станица 26“(Станица 26) во Скопје одржан на 27.03.2019.
Видеото трае неколку минути во кои Нокаут ја изведуваат песната „За нас“ првично создадена за Брејк (https://bit.ly/2RfnpPR). Еден од двајцата автори на оваа песна е и фронтменот на Нокаут, Никола Перевски - Пере (https://bit.ly/37h5Swk).

Покрај аплицираниот непотизам, при избор за тоа за кој поп-рок бенд ќе креираме прва профил веб страна и фактот што Нокаут се партнери на Регистарот од неговиот почеток, го земавме во предвид и тоа што Нокаут 20 години полни клубови во кои изведуваат авторска музика, пеат на македонски јазик, а заедно со нив пее и целата публика. Ако не ни веруваш нам, еве, погледни го ова видео што може да се третира како доказ во споменатиот контекст. https://bit.ly/2NMPnjS (Ако регистратор лаже, YouTube не лаже!)

Регистарски поздрав!