Членови на поширокиот тим на регистарот ги одбра најомилените изданија објавени во 2021. Основните критериуми за избор на овој список музички изданија се:

• со радост да се сеќаваме на изданието;
• со задоволство да сме го преслушувале изданието во текот на годината;
• кога ќе те прашаат да одбереш 5 до 7 изданија објавени во 2021 да го посочиш изданието;

Така, врз основа на претходно споменатите критериуми, без да се ограничуваме жанровски или по тип на издание, членовите од проширениот тим на Регистарот: Ива Зафировска, Васил Карев, Дејан Соколоски, Марјан Доказа, Златко Ангелески и Васил Буралиев го составија списокот на најомилени музички изданија за 2021.

Во списокот на омилените изднаија за 2021 кај неколку од учесниците создавачи на оваа листа изданија, се најдоа синглови или целиот албум „Nine Lives“ од Yova. Според овој критериум, би сакале да соопштиме дека музиката на Yova во 2021 година, за тимот на Регистарот е најомилена. Наша топла препорака за преслушување на нејзиниот албум „Nine Lives“ што беше објавен во ноември 2021.

Покрај албумот на Yova, она околу што можеа да се сложат неколку членови од регистарската дружина е и синглот од Blackstate, „The Arsonist (Single Remix)". Да бидеме до крај искрени, оваа денс трака немаше да ни привлече толку големо внимание доколу Blackstate не го „извадеше“ ова како сингл од неговиот албум „While the World's on fire“ и го акцентираше со феноменалната видео илустрација. Ова е само уште една потврда за тоа колку се важни видео илустрациите за песните, но и за тоа зошто сингловите се далеку повеќе популарна форма на објавување/издавање на музичките изданија од долгите и проширените изданија.  

Во следнава листа се нашите омилени 40 изданија објавени во 2021 година. 

Синглови

Поп

• „Bypass“ од Слаткаристика 🧁
  Единствено ново издание од Слаткарот во 2021 година објавено на крај на годината (декември), ако ги игнорираме акустичните изведби на неколку песни објавени во април. Тој е инспирација на млади изведувачи и автори што во музиката гледаат своја идна професија. 
  
  
• „Те губам“ од Дамјан Стоименовски
  
  
• „Јавачи“ од Андреа🎙️🌎
  Одлична изведба на ритам и бас музичка позадина создадена од Александар Масевски.
  
  
• „Сѐ што знам“ од Наташа Миха 🏎️
  Наташа Миха стана уште повеќе забележлива на музичката сцена со овој сингл објавен во ноември 2021.
  
  
• „Сон“ од Komma🔥
  Вториот сингл во 2021 година на кумановското дуо Komma. Одлична песна.
  
  
• „Like you“ од Toby и Mia
  Една од најомилените соработки во 2021.
  
  
• „Круг“ од Николче Мицевски🏆
  Еден од најдобрите инструментални синглови за 2021 година што е пропратен со одлична видео илустрација.
  
  
• „Error“ од Пајак и Mic Mc🧨💥
  Одлична!
  
  
• „Југ“ од 2Бона и Tyzee
  За нас, одличен поп сингл.
  
  
• „Enzo“ од 2Бона🦍💪
  Силни и храбри момци што работат многу. Ензо (Enzo) е еден од сингловите што треба да се најдат на нивниот албум, за кој насетуваме дека ќе биде некојажанровска смеса од поп, хип-хоп, трап, дрил.
   
• „Убав ден“ од Дина Јашари и Дуке Бојаџиев💮
  Прекрасна песна што ја краси специфичниот и оргиналната интерпретација на Дина Јашари.
  
  
• „Крв да ни се стори“ од Каролина, Пијан Славеј и Дуке Бојаџиев🍷
  Еден од најдобрите тестови за песни објавени во 2021 година. Убавината на оваа песна е во едноставноста на лириката на оваа љубовна песна што има содржајна музичка тесктура од секогаш оргиналниот Дуке Бојаџиев.

Рок

• „Не време“ од Funk Shui и Вера Милошевска
  Многумина очекуваат поинаква песна од одличните Funk Shui но за нас оваа соработка со Вера Милошевска е одгинална трака што заслужува внимание.
  
  
• „Can't kill a dead man twice“ од David Mukka
  Одлична рок трака што воедно е најавена како дел од музика за филм/серија.
  
  
• „True seed“ од Red-Tailed Healer
  Еден од нашите најомилени рок синглови во 2021.
  
  
• „Ужасно ми фалиш“ од 21 Век
  Ова е одична поп-рок песна од бендот 21 Век. Ова ние го сметаме за своевиден пресврт во кариерата на Васко Атанасовски кој е член на бендот, а кој важи за бунтовен рокер од алтернативната сцена.
  
  
• „Па што?!“ од Mooger Fooger
  Суровата вистина за модерното време опеана од ветераните на бендот Мугер Фугер.
  
  
• „Слатка мала“ од Пеперминт
  Препознатливиот и специфичен стил на Горан Трифуновски во оваа едноставна рок песна, не принудува да ја преслушуваме повремено.
  
  
• „Вака не може“ од Бени Шакири
  Сингл на Бени што беше креиран како дел од рекламниот материјал за неговата кандидатура за градоначалник. Тоа што оваа песна е во оваа листа не изразува никакви политички ставови и поддршка - ако изборите завршија, туку едноставно за некои работи вака повеќе не може.
  
  
• „Wreckin' nights“ од D Chicks
  Одлична песна со што девојките нас многу пријатно не изненадија.
  
  
• „My fire“ од Yon Idy
  Одлична меланхолична поп-роп композиција.
  
  
• „Намера“ од Manas
  Еден од нашите омилени синглови објавени во 2021.

Хип хоп

• „Кензо Танге“ од Druggy 🏢✊
  Песната со нај социјално-ангажираниот стих во 2021. Па иде вака: „Барам Кензо Танге, ти ми даваш Грчев. Праам протест денски, ти ми копаш ноќе.“
  
  
• „Chit Chat“ од InsertAKick и Sharo🔫
  InsertAKick и Sharo со оваа песна во 2021 покажуваат дека имаме и ние млади генерации што го следат хип хоп дериватот наречен дрил музика.
  
  
• „Трет светски рап“ од Кацар, Bibbych и DJ Popeye🎤
  Одлична соработка на два ветерана и една млада девојка како Хип-хоп артист, што секогаш звучи егзотично.
  
  
• „Посед“ од Tonyo San📜
  Една од омилените социјално-ангажираните поеми објавени во рамките на музички изданија во 2021 година.
  
  

Елекнтронска

• „The Arsonist (Single Remix)“ од Blackstate🕺🏻🏆🥇
  Одлична песна.
  
  
• „Пустелија“ од Dulelud и Љубојна
  Музичките автори и изведувачите со нивните креативни соработки и впуштање во творечки и стилски истражувања се возбуда што секогаш пријатно не изненадува.
  
  
• „Mirage“ од Marga Sol и Darles Flow
  Една од нашите омилени денс (dance) траки објавени во 2021.
  
  

Албиму, проширени изданија и музички компилации

• „Nine lives“ од Yova🏆🥇
• „Дома“ од Дина
• „Fortuna“ од Марија Каева 
• „Чудо“ од Lilit
• „Fragments“ од Zulu 3.4
• „Хипер“ од Дупер
• „A Wave Returns To The Ocean“ од Светлост и Odron Ritual Orchestra
• „A Disc Jockey’s Crisis Of Conscience“ од Филип Букршлиев трио
• „Come Back“ од Јордан Костов квинтет
• „Different“ од SS Project
• Крај Вардарот Џез Vol.1