Без ритам не би имало хип-хоп, тоа е толку едноставно. Диск-џокејот или диџејот е оној што ја пушта музиката врз која се рапува. Тој е господар на звукот, господар на расположението, господар на забавата.

Брејкденсот, односно брејкингот е еден од четирите основни елементи на хип-хопот (рапување или МС-инг, ДЈ-инг или вртење плочи и графитите). За разлика од другите составни делови на хип-хоп културата, брејкингот бара сериозна физичка активност. Наједноставното објаснување за тоа што претставува брејкингот е дека станува збор за танц, односно начин на танцување.

Битбоксот е една од најинтересните појави во хип хопот. Тоа е начин на создавање звуци, ритам или музика само со употреба на устата, односно јазикот, усните и гласот. Со комбинација на овие делови од човечкото тело што се наоѓаат во усната шуплина можат да се произведат најразлични ритми со звуци.

Семплот е една од основите врз кои е создадена хип хоп музиката, односно хип хоп културата. Тоа е извадок, исечок, делче од некоја песна, во траење од неколку секунди (една, две, четири), кое е вметнато во хип хоп песната.

На прв поглед изгледа како да е дел од холивудски филм, но лоурајдерот (или лоу рајдер) секако е дел од секојдневјето на хип хопот. Станува збор за автомобил со спуштена каросерија, чија хидраулика, односно амортизација е специјално приспособена за да може да се спушта или крева по потреба и во зависност од желбите на возачот.

Ритам машината е дел од наследството на хип хопот. Иако, нејзините почетоци не се врзани директно за хип хопот (првите ритам машини потекнуваат од првата половина и средината на XX век), сепак таа има остварено значајна улога во популаризација на овој музички жанр, особено во 80-те и и почетокот на 90-те години на XX век.